तळव्यावर मेंदीचा अजून रंग ओला
माझ्यामनी प्रीत तुझी घेते हिंदोळा
गायिलेस डोळयांनी एक निळे गाणे
बट हळवी वार्यातील वेचिते तराणे
नकळत तव हात प्रिये हाती मम आला
पवनातूनी शीतलता दाटूनिया आली
दोन मने प्रीतीच्या गंगेतच न्हाली
आसमंत आनंदी धूंद धूंद झाला
ही दुपार भिजलेली, प्रीत चांदण्यात
मिटून पंख खग निवांत शांत तरुलतांत
आज तुझ्या सहवासी जीव धन्य झाला
कोणत्याही टिप्पण्या नाहीत:
टिप्पणी पोस्ट करा